ޓެކްނޮލޮޖީ
އިންޖިނިއަރިންގ ދާއިރާއިން ފާހަގަކޮށްލެވޭ ކާމިޔާބީތައް ހޯދާފައިވާ ފަރާތްތަކުގެ އަގުވަޒަންކުރުމުގެ ގޮތުން މިނިސްޓްރީ އޮފް އިންފްރާސްޓްރަކްޗަރ، ހައުސިންގ އެންޑް އާބަން ޑިވެލޮޕްމަންޓުން އިންތިޒާމުކޮށްގެން އަލަށް ތައާރަފުކުރި "އެންޖިނިއަރސް އެވޯޑް 2026" ގެ ރަސްމީ ޖަލްސާ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝަރަފުވެރިކޮށްދެއްވައި 2026 ސެޕްޓެންބަރު 10 ވީ ބުރާސްފަތި ދުވަހުގެ ރޭ ބާސެލޯ ނަސަންދުރާގައި ބާއްވައިފިއެވެ. ޖުމްލަ 10 ދާއިރާއަކުން އެވޯޑު ދިން މި ޙަފްލާގައި އެންމެ ޝަރަފުވެރި "އެންޖިނިއަރ އޮފް ދަ އިޔަރ އެވޯޑް" އާއި "އެންޖިނިއަރިންގ އިނޮވޭޝަން، ޓެކްނޮލޮޖީ، އެޑިއުކޭޝަން އެންޑް ރިސާޗް އެވޯޑް" ޑރ. ފުރުޤާން އިބްރާހީމް ހާސިލުކުރެއްވިއިރު، "ލައިފްޓައިމް އެޗީވްމަންޓް އެވޯޑް" ޢަބްދުއްޝަކޫރު ޞާލިޙުގެ އިތުރުން ނިޔާވެފައިވާ އަޙްމަދު މަހޫރީން އަދި މުޙައްމަދު ރަޝީދުގެ ހަނދާނަށް ވަނީ އަރުވާފައެވެ. މީގެއިތުރުން "ޔަންގް އެންޖިނިއަރ އެވޯޑް" މުޙައްމަދު ޒިދާން ޙަސަން އަދި "ވިމެން އިން އެންޖިނިއަރިންގ އެވޯޑް" އަސްރާރު ކާމިޔާބުކުރެއްވިއިރު، "ސްޓޫޑަންޓް އިނޮވޭޓަރ އެވޯޑް" ޙުސައިން ޖައުޝަން ވަނީ ހާސިލުކޮށްފައެވެ.
ދިވެހިރާއްޖޭގެ ތަރައްޤީއަށާއި އިންޖިނިއަރިންގ ދާއިރާއަށް ޚިދުމަތްކޮށްދެއްވާފައިވާ އަދި މިހާރުވެސް މަސައްކަތްކުރައްވަމުން ގެންދަވާ އިންޖިނިއަރުންގެ އަގުވަޒަންކުރުމުގެ ގޮތުން ދިވެހި ސަރުކާރުން އަލަށް ތަޢާރަފުކުރި "އިންޖިނިއަރސް އެވޯޑް 2026" ރަސްމިއްޔާތު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ޝަރަފުވެރިކޮށްދެއްވައިފިއެވެ. ބަރސެލޯ ނަސަންދުރާގައި ބޭއްވުނު މި ތާރީޚީ ހަފުލާގައި، 10 ގިންތިއަކުން އެވޯޑު ދީފައިވާއިރު، އެންމެ ޝަރަފުވެރި އެވޯޑު ކަމުގައިވާ "އިންޖިނިއަރ އޮފް ދަ އިޔަރ" ޙާޞިލުކުރެއްވީ އެމްޑަބްލިއުއެސްސީގެ ޑރ. ފުރްޤާން އިބްރާހީމެވެ. މީގެ އިތުރުން ދާއިރާއަށް ދިގު މުއްދަތަކަށް އަގުހުރި ޚިދުމަތްތަކެއް ކޮށްދެއްވި ތިން ބޭފުޅަކަށް ލައިފްޓައިމް އެޗީވްމަންޓް އެވޯޑު އެރުވުނުއިރު، އޭގެ ތެރޭގައި ހިމެނެނީ ޢަބްދުއްޝަކޫރު ޞާލިޙުގެ އިތުރުން ނިޔާވެފައިވާ އަޙްމަދު މަހުރީން އަދި މުޙައްމަދު ރަޝީދުގެ ހަނދާނަށެވެ. މިއީ ދިވެހިރާއްޖޭގެ އިންޖިނިއަރިންގ ދާއިރާ ކުރިއަރުވައި، ޒުވާނުންނާއި އަންހެނުން މި ދާއިރާއަށް ޝައުޤުވެރިކުރުވުމުގެ މަޤްޞަދުގައި މިނިސްޓްރީ އޮފް އިންފްރާސްޓްރަކްޗަރ، ހައުސިންގ އެންޑް އަރބަން ޑިވެލޮޕްމަންޓުން އިސްނަގައިގެން ބޭއްވި ފުރަތަމަ އެވޯޑު ހަފުލާއެވެ.