ޓެކްނޮލޮޖީ

އައްޑޫ ސިޓީގެ ޑީޓުއާ ބްރިޖުން ފެށިގެން ހިތަދޫ ސްޓޭޑިއަމާ ހަމައަށް އޮތް 12.3 ކިލޯމީޓަރުގެ ލިންކް ރޯޑު ހަތަރު ލޭނަށް ފުޅާކުރުމުގެ މަޝްރޫއު ޗައިނާގެ ރޯޓައިމް އިންޖިނިއަރިން އެންޑް ޓެކްނޮލޮޖީ ކޮމްޕެނީއާ ވަނީ ހަވާލުކޮށްފައެވެ. ޗައިނާގެ ހިލޭ އެހީގެ ދަށުން ވިލިމާލޭގައި އަޅާ ޗައިނާ-މޯލްޑިވްސް ފްރެންޑްޝިޕް ހޮސްޕިޓަލާއި މާލެ އަދި ވިލިމާލޭގެ މަގުހެދުމުގެ މަޝްރޫއުގެ އަމަލީ މަސައްކަތް މިއަހަރުގެ ފަހުކޮޅު ނުވަތަ 2027 ގެ ކުރީކޮޅު ފެށޭނެ ކަމަށް ޗައިނާގެ ސަފީރު ކޮންގް ޝިއަންހުއާ ވަނީ ހާމަކުރައްވާފައެވެ. އޭޝިއަން ޑިވެލޮޕްމަންޓް ބޭންކުގެ އެހީގައި ހިންގާ ވިލުންވެށި ގްރާންޓް ސްކީމްގެ ދަށުން މިހާރު ދޫކުރާ 100،000 ރުފިޔާގެ ލިމިޓް ބޮޑުކޮށް، އަމިއްލަ ކުންފުނިތަކާއި ސްޓާޓްއަޕްތަކަށް ވެސް ކުރިމަތިލެވޭ ގޮތަށް އަންނަ އަހަރު އެ ސްކީމް ފުޅާކުރަން ސަރުކާރުން ވަނީ ނިންމާފައެވެ. މީގެއިތުރުން، އިންޑިއާގެ އެގްޒިމް ބޭންކް މެދުވެރިކޮށް ރާއްޖެއަށް ދީފައިވާ 48.50 ބިލިއަން އިންޑިއަން ރުޕީސް ނުވަތަ ގާތްގަނޑަކަށް 506.58 މިލިއަން ޑޮލަރުގެ ކްރެޑިޓް ލައިން މިދިޔަ އޮގަސްޓް 27 އިން ފެށިގެން ރަސްމީކޮށް އަމަލީ ގޮތުން ހިންގަން ފަށާފައިވާ ކަމަށް ރިޒާވް ބޭންކް އޮފް އިންޑިއާއިން ވަނީ އިއުލާނުކޮށްފައެވެ.