ޓެކްނޮލޮޖީ
މިނިސްޓްރީ އޮފް އިންފްރާސްޓްރަކްޗަރ، ހައުސިންގ އެންޑް އާބަން ޑިވެލޮޕްމަންޓުން އިންތިޒާމުކޮށްގެން ފުރަތަމަ ފަހަރަށް ބޭއްވި "އިންޖިނިއަރސް އެވޯޑު 2026" ގެ ރަސްމިއްޔާތު، 10 ސެޕްޓެމްބަރ 2026 ވީ ބުރާސްފަތި ދުވަހުގެ ރޭ ބާސެލޯ ނަސަންދުރާގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝަރަފުވެރިކޮށްދެއްވައި، 10 ދާއިރާއަކުން ފާހަގަކޮށްލެވޭ ފަރާތްތަކަށް އެވޯޑު ދެއްވާފައިވާއިރު، އަހަރުގެ އެންމެ މޮޅު އިންޖިނިއަރުގެ އެވޯޑު ޑރ. ފުރުޤާން އިބްރާހީމް ހޯއްދަވައި، އަދި ލައިފްޓައިމް އެޗީވްމަންޓް އެވޯޑު ޢަބްދުއްޝަކޫރު ޞާލިޙުގެ އިތުރުން ނިޔާވެފައިވާ އަޙްމަދު މަހުރީން އަދި މުޙައްމަދު ރަޝީދުގެ ހަނދާނަށް ވަނީ އަރުވާފައެވެ.
10 ސެޕްޓެންބަރު 2026 ވީ ބުރާސްފަތި ދުވަހު، އިންޖިނިއަރުންގެ އަގުވަޒަންކޮށް އެ ފަރާތްތަކަށް ޚާއްޞަ އެވޯޑު ދިނުމުގެ ރަސްމިއްޔާތު ވަނީ ބާއްވާފައެވެ. މި ރަސްމިއްޔާތަކީ އިންޖިނިއަރިންގ ދާއިރާއިން ފާހަގަކޮށްލެވޭ ކާމިޔާބީތައް ހޯދާފައިވާ ފަރާތްތަކުގެ މަސައްކަތްތައް ބަލައިގަނެ، އެ މަސައްކަތްތަކުގެ އަގުވަޒަންކުރުމުގެ މަޤްޞަދުގައި ބޭއްވުނު އިވެންޓެކެވެ. މީގެއިތުރުން، މި ޙަފްލާގެ ތެރެއިން އެކި ދާއިރާތަކުން ފާހަގަކޮށްލެވޭ އިންޖިނިއަރުންނަށް އެވޯޑުތައް ވަނީ ރަސްމީކޮށް ޙަވާލުކޮށްދީފައެވެ.