ކުޅިވަރު
އޮސްޓްރޭލިއާ މޯލްޑިވްސް ފްރެންޑްޝިޕް އެސޯސިއޭޝަނާއި ވޯޓާ ޕެޓްރޯލް އޮސްޓްރޭލިއާ ގުޅިގެން، ތުލުސްދޫ ކައުންސިލާއި ސާފިން އެސޯސިއޭޝަން އޮފް ތުލުސްދޫ އަދި މޯލްޑިވްސް ސާފް ގައިޑް އެސޯސިއޭޝަންގެ އެހީތެރިކަމާއެކު، 11 އަހަރާއި 17 އަހަރާ ދެމެދުގެ 24 ކުދިން ބައިވެރިވާ ޖޫނިއާ ލައިފްގާޑް ޕައިލެޓް ޕްރޮގްރާމެއް ސެޕްޓެމްބަރު 12، 2026 ގައި ކ. ތުލުސްދޫގައި ވަނީ ފަށައިފައެވެ. މި މަހުގެ 14 ގެ ނިޔަލަށް ކުރިއަށްގެންދާ މި ޕްރޮގްރާމަކީ ކަނޑުގެ އޮއިވަރާއި ނުރައްކާތެރި ރާޅުތައް ދެނެގަތުމާއި، ރެސްކިއު ބޯޑު ބޭނުންކޮށްގެން މީހުން ސަލާމަތްކުރުމުގެ އިތުރުން ފުރަތަމަ އެހީއާއި ސީޕީއާރު ދިނުމުގެ މުހިންމު ހުނަރުތައް ކުދިންނަށް ދަސްކޮށްދިނުމަށް އަމާޒުކޮށްގެން ހިންގާ ޕްރޮގްރާމެކެވެ.
ކ. ތުލުސްދޫގައި ކުޑަކުދިންނާއި ޒުވާނުންނަށް ޚާއްޞަކޮށްގެން ޖޫނިއާ ލައިފްގާޑް ތަމްރީނު ޕްރޮގްރާމެއް 2026 ސެޕްޓެންބަރު 12 ވީ ހޮނިހިރު ދުވަހު ވަނީ ފަށައިފައެވެ. މި ޕްރޮގްރާމަކީ މޫދުގައި ހިނގާ ނުރައްކާތެރި ހާދިސާތަކުން ރައްކާތެރިވުމުގެ ހުނަރުތަކާއި، ފަތަން ދަސްކޮށްދިނުމުގެ އިތުރުން ފުރާނަ ސަލާމަތްކުރުމުގެ އަސާސީ ލައިފްގާޑިންގ ހުނަރުތައް ކުދިންނަށް އުނގަންނައިދިނުމުގެ މަޤްޞަދުގައި ކުރިއަށްގެންދެވޭ ތަމްރީނެކެވެ. މީގެއިތުރުން، މި ތަމްރީނުގެ ތެރެއިން މޫދުގެ ސަލާމަތާއި ރައްކާތެރިކަމަށް ހޭލުންތެރިކަން އިތުރުކޮށްދީ، ކުއްލި ޙާލަތްތަކުގައި ޢަމަލުކުރާނެ ގޮތްތައް ބައިވެރިންނަށް ދަސްކޮށްދެވޭނެއެވެ.